Miranda de l Douro ye coincida pula buona gastronmia, que l mesmo ye dezir pula «Posta Mirandesa» ó solo “Posta”, la berdadeira eimaige de marca de l cunceilho i de la region, adonde se porduç la “Chicha Mirandesa”.

La “Chicha Mirandesa” refira-se ye de caracrerísticas mui própias pulas pastaiges naturales, eisistentes arriba de ls 500 metros d’altitude, adonde se alimenta an grande parte l ganado de la “Raça Mirandesa”, que depuis apersenta ua chicha tenra i suculenta, percisamente decorriente dessa mesma alimentaçon. I referimos “grande parte” porque para alhá de la yerba de ls “lameiros” ls animales tamien se alimentan de forraiges, quando estes altaneiros locales, ó nun ténen yerba ó nó ye possible de to liebar l ganado a las pastaiges.
Amperdíbeis Sabores de Miranda

Ua specificidade que ye sinónoimo de culidade i genuenidade regional qu’acabou sendo reconhecida pula Quemunidade Ouropeia, sendo atribuida la Chamaçon de Ourige Protegida (DOP) pa la “Chicha Mirandesa” l que sin borda para dúbedas, custitui amportante mais-balia para esta region de l luso território i de ls sous perdutores.

Miranda de l Douro ye un de ls seis cunceilhos de l çtrito de Bergáncia, adonde eisisten estas pastaiges eiqui chamados de “lameiros”, poboados de ganado de “Raça Mirandesa” assi cumo Mogadouro, Bumioso, Binhais, Bergáncia i Macedo de Cabalheiros.